பிரதான செய்திகள்

 


(அப்துல்சலாம் யாசீம்)


கிண்ணியா பொலிஸ் பிரிவுக்குட்பட்ட பூவரசன் தீவு பகுதியில் கைக்குண்டுடன் சந்தேகநபர் ஒருவரை கைது செய்துள்ளதாக பொலிஸார் தெரிவித்தனர்.

இச்சம்பவம் இன்று (19)  மாலை இடம்பெற்றுள்ளது.

இவ்வாறு கைது செய்யப்பட்டவர் அதே பகுதியைச் சேர்ந்த முன்னாள் இராணுவ வீரரான ராசிக் பரீட் பர்ஹான் (29வயது) எனவும் தெரியவருகின்றது.

சம்பவம் குறித்து தெரியவருவதாவது-கணவனுக்கும் மனைவிக்குமிடையில் குடும்பத் தகராறு ஏற்பட்டுள்ளது.
 இந்நிலையில் கணவரான முன்னாள் இராணுவ வீரர் தனது மனைவியை கைக்குண்டை காட்டி பயமுறுத்தியதாக கிண்ணியா பொலிஸ் நிலையத்திற்கு தொலைபேசி மூலம் தெரியப்படுத்தியுள்ளார்.

இந்நிலையில் குறித்த இடத்திற்குச் சென்ற பொலிசார் கைக்குண்டை தமது கண்காணிப்பின் கீழ் எடுத்துள்ளதாகவும் குறித்த கைக்குண்டு இருக்கும் இடத்துக்கு  பொலிஸ் பாதுகாப்பு வழங்கப்பட்டுள்ளதாகவும் நீதிமன்ற அனுமதியைப் பெற உள்ளதாகவும் தீவிர விசாரணைகளை மேற்கொண்டு வருவதாகவும் கிண்ணியா பொலிஸார் தெரிவித்தனர்.

கைது செய்யப்பட்ட குறித்த நபர் கிண்ணியா பொலிஸ் நிலையத்தில் தடுத்து வைக்கப்பட்டு விசாரணைகள் இடம்பெற்று வருவதாகவும் கிண்ணியா பொலிஸார் தெரிவித்தனர்.

 திருகோணமலை மாவட்டத்தில் அபிவிருத்தித் திட்டங்கள் அதிகமாக செயற்படுத்தப்பட்டு வருவதால் வளங்கள் குறைவாகக் காணப்படுவதாக திருகோணமலை மாவட்ட தேசிய நிர்மாண சங்கத்தின் செயலாளர் குகதாசன் பிரகாஷ் தெரிவித்துள்ளார்.


அரசாங்கத்தினால் பாரிய அபிவிருத்தித் திட்டங்கள் முன்னெடுக்கப்பட்டு வருகின்ற நிலையில் திருகோணமலை மாவட்டத்தில் மணல், மெடல்,கிரவல் மற்றும் சீமென்ட் போன்றவைகளுக்கு தட்டுப்பாடு ஏற்பட்டுள்ளதாகவும் இதனால் ஒப்பந்தகாரர்கள் பெரிதும் பாதிக்கப்பட்டு வருவதாகவும் தெரிவிக்கின்றனர்.


திருகோணமலையில் சீமெந்து தொழிற்சாலையினை வைத்துக்கொண்டு ரூபா 1000 க்கு விற்பனை  செய்யப்படும் சீமெந்து கருப்பு சந்தையில் ரூபா 1350 வரை விற்பனை செய்யப்படுவதாகவும் 22000 க்கு விற்பனை செய்யப்பட்ட மணல் 45000 ரூபா வரை விற்பனை செய்யப்படுவதாகவும் குற்றம் சுமத்திய  திருகோணமலை மாவட்ட தேசிய நிர்மாண சங்கத்தினர் 


இவ்வாறானா கொள்ளையர்கள் இருக்கும் வரை நாட்டின் அபிவிருத்தியினை முன்னெடுக்க பெரும் கால தாமதம் ஏற்றப்படுவதாகவும் மேலும் இவ்வாறான அபிவிருத்தி திட்டங்களை மேற்கொள்வதற்கான  வளப்பற்றாக்குறையை அரசாங்கம் உடன் தீர்க்க வேண்டுமெனவும்,அபிவிருத்தி திட்டங்களுக்காக ஒப்பந்ததரர்களுக்கு வழங்கப்பட்டுள்ள காலம் குறுகிய காலமாக இருப்பதால் அதனை நீடிக்க வேண்டும் எனவும் கோரிக்கை விடுத்தார்.


அத்துடன் ஒப்பந்ததாரர்களுக்கு கீழ்  கூலி வேலை செய்து வருபவர்கள் பெரிதும் பாதிக்கப்பட்டுள்ளதாகவும் கட்டட வேலைத்தளங்கள் மூடப் பட்டிருப்பதால் கூலி வேலை செய்பவர்கள் தொழில் இன்றி பெரும் பிரச்சினைகளை எதிர்நோக்கி வருவதாகவும் சுட்டிக்காட்டுகின்றனர்.




கிண்ணியா பொலிஸ் பிரிவுக்குட்பட்ட பைசல் நகர்  பகுதியில் பதிமூன்று வயது சிறுமியை பாலியல் துஷ்பிரயோகம் செய்த குற்றச்சாட்டின் பேரில் சிறுமியின் தந்தையை கைது செய்துள்ளதாக பொலிஸார் தெரிவித்தனர்.


இச் சம்பவம் நேற்று (30) இடம்பெற்றுள்ளது.


இவ்வாறு கைது செய்யப்பட்டவர் அதே பகுதியைச் சேர்ந்த 38 வயது உடையவர் எனவும் பொலிசார் தெரிவித்தனர்.


தாய் வெளிநாட்டில் வேலை வாய்ப்புக்காக சென்றுள்ளதாகவும் சிறுமியின் தாயின் தங்கையின் வீட்டில் வசித்து வந்த போது சிறுமியின் தந்தை மதுபோதையில் வருகை தந்து சிறுமியை அவருடைய வீட்டுக்கு அழைத்துச் சென்று பாலியல் துஷ்பிரயோகம் செய்ததாகவும் ஆரம்பகட்ட விசாரணைகளின் மூலம் தெரியவந்துள்ளது.


குறித்த சந்தேகநபர் கிண்ணியா பொலிசாரினால் கைது செய்யப்பட்டுள்ள நிலையில் 13 வயதுடைய சிறுமி தற்போது திருகோணமலை பொது வைத்தியசாலையில் சிகிச்சை பெற்று வருவதாகவும் கைது செய்யப்பட்ட தந்தையை திருகோணமலை நீதிமன்றில் இன்று (01)  ஆஜர்படுத்த நடவடிக்கை எடுத்துள்ளதாகவும் கிண்ணியா பொலிஸார் தெரிவித்தனர்.




திருகோணமலை - தம்பலகாமம் பொலிஸ் பிரிவுக்குட்பட்ட பகுதியில் தூக்கில் தொங்கிய நிலையில் ஆண் ஒருவரின் சடலம் மீட்கப்பட்ட நிலையில் பிரேத பரிசோதனைக்காக திருகோணமலை பொது வைத்தியசாலைக்கு அனுப்பி வைக்கப்பட்டுள்ளதாக  தம்பலகாமம் பொலிஸார் தெரிவித்தனர்.


இவ்வாறு மீட்கப்பட்ட சடலம் தம்பலகாமம்-முள்ளியடி பகுதியைச் சேர்ந்த துரைராசா செல்வகுமார் (40 வயத எனவும் பொலிஸார் தெரிவித்தனர்.


சம்பவம் குறித்து தெரியவருவதாவது-  குறித்த நபர்  மூன்று திருமணம் செய்துகொள்ள தாகவும் தற்போது மூன்றாவது மனைவியுடன்  வாழ்ந்து வரும் நிலையில் இருவருக்குமிடையில் குடும்பத் தகராறு ஏற்பட்டதாகவும் இதனையடுத்து அவர் தானாகவே இவ்வாறான செயற்பாட்டில் ஈடுபட்டுள்ளதாகவும் அயலவர்கள் தெரிவிக்கின்றனர்.


ஆனாலும் குறித்த மரணம் தொடர்பில் சந்தேகம் கொண்ட பொலிஸார் பிரேத பரிசோதனைக்காக திருகோணமலை பொது வைத்தியசாலைக்கு அனுப்பி வைத்துள்ளதாகவும் தெரியவருகின்றது.


இதேவேளை குறித்த சடலத்தை பீசீஆர் பரிசோதனை செய்து அறிக்கை கிடைத்தவுடன் பிரேத பரிசோதனைகளை முன்னெடுக்க உள்ளதாகவும் வைத்தியசாலையின் பேச்சாளரொருவர் தெரிவித்தார்.


இவரது மரணம் தொடர்பில் விசாரணைகளை தம்பலகாமம் பொலிஸார் மேற்கொண்டு வருகின்றனர்.



திருகோணமலை தலைமையக பொலிஸ் பிரிவிற்குட்பட்ட பகுதியில் தனியார் காப்புறுதி நிறுவனமொன்று தீப்பற்றியுள்ளது.


டெங்கை கட்டுப்படுத்தும் நோக்கில் திருகோணமலை சுகாதார திணைக்களத்தினால் குறித்த காப்புறுதி நிறுவனத்துக்கு பின்னால் சென்று இன்று (28) பார்வையிட்டு தேவையற்ற பொருட்களை அகற்றுமாறு தெரியப்படுத்தியதையடுத்து அங்கு குழியொன்று தோண்டப்பட்டு குப்பைகள் புதைக்கப்பட்டதாகவும் தெரியவருகின்றது.


இதனையடுத்து வீதியால் சென்ற ஒருவர் பின்னால் தீப்பற்றுவதாக தெரியப்படுத்தியதையடுத்து அங்கு சென்று பார்வையிட்ட போது காப்புறுதி நிறுவனத்திற்கு பின்னால் களஞ்சியப்படுத்தப்பட்டிருந்த வாகன உதிரிப்பாகங்கள் தீ பற்றியதாகவும் தெரியவருகின்றது.


இதேவேளை தீயை அணைப்பதற்காக தீயணைப்பு பிரிவினர் வருகை தந்து உடனடியாக தீயை கட்டுப்பாட்டிற்குள் கொண்டு வந்ததாகவும் பொலிஸார் தெரிவித்தனர். 



அத்துடன் கலங்கிய சாலைக்கு பின்னாலுள்ள வீட்டின் சில பகுதிகள் சேதமடைந்துள்ளதாகவும் தெரியவருகின்றது.


தீப்பற்றியமை தொடர்பில் திருகோணமலை தலைமையக பொலிஸார் விசாரணைகளை மேற்கொண்டு வருகின்றனர்.





திருகோணமலை சாஹிரா தேசிய கல்லூரியில் கல்விப் பொதுத் தராதர சாதாரண தர பரீட்சையில் 50 மாணவர்களில் நாற்பத்தி ஒன்பது மாணவர்கள் உயர் தரத்திற்கு தகுதி பெற்று சாதனை படைத்துள்ளதாக கல்லூரியின் அதிபர் ஏ.எஸ் அலி சப்ரி அவர்கள் தெரிவித்தார்


இவர்களுள் 03 மாணவிகள் உட்பட ஒரு மாணவன் 9ஏ சித்திகளை பெற்று  கல்லூரி வரலாற்றில்  சாதனை படைத்துள்ளதாக தெரிவித்த கல்லூரியின் அதிபர்  மேலும் 5 பாடங்களுக்கு மேலாக ஏ சித்திகளை பெற்ற 13 மாணவர்கள் அடங்குவதாகவும் தெரிவித்தார்


நாட்டில் ஏற்பட்டுள்ள கோவிட் - 19 கொரோனா அச்சுறுத்தல் சூழ்நிலையில் எம்.ஏ.எம்.அன்வருள் அப்சான்,கே.சீமா சப்நப்,எம்.என்.பாத்திமா நப்ளா மற்றும் எஸ்.பாத்திமா நஸ்ரின் ஆகிய மாணவ மாணவிகளே இவ்வாறு 9ஏ சித்திகளை அடைந்துள்ளதாக சுட்டிக்காட்டிய கல்லூரியின் அதிபர்


இவ்வாறான அடைவு மட்டத்தை அடைந்திருப்பது மிகவும் பாராட்டத்தக்க விடயம் என்றும் இவ்வாறன அடைவு மட்டத்திற்கு  அயராது பாடுபட்ட கல்லூரியின் ஆசிரியர்கள் அனைவருக்கும் நன்றியை தெரிவித்துக் கொள்வதாகவும் உயர்தரத்தில் கல்வி கற்க தகுதி பெற்ற அனைத்து மாணவர்களுக்கும் கல்லூரியின் அதிபர் அலி சப்ரி தனது வாழ்த்தினையும் தெரிவித்தார்.

 


திருகோணமலை- ரொட்டவெவ,மிரிஸ்வெவ பகுதியைச் சேர்ந்த சேனைப்பயிர்ச் செய்கையாளர்களுக்கும்-வன இலாகா அதிகாரிகளுக்கும் இடையில் முறுகல் நிலை ஏற்பட்டுள்ளது.


கடந்த யுத்த காலம் தொடக்கம் இன்றுவரை தமது வாழ்வாதார தொழிலாக விவசாயம் மீன்பிடி மற்றும் சேனைப் பயிர்ச்செய்கை போன்றவற்றை மேற்கொண்டு வருவதாகவும் தற்போது சேனைப்பயிர்ச்செய்கைக்காக தங்களுடைய காணிகளுக்குள் செல்லும் போது வன இலாகா அதிகாரிகள் செல்லக் கூடாது என தடுப்பதாகவும்,

பயமுறுத்துவதாக வும் அப்பகுதியிலுள்ள மக்கள் தெரிவிக்கின்றனர்.


இந்நிலையில் இன்றைய தினம் குறித்த பகுதிக்கு வன இலாகா அதிகாரிகள் சென்று சேனைப்பயிர்ச் செய்கையில் ஈடுபட்டு கொண்டிருந்த பயிர்ச்செய்கையாளர்களை அரசுக்குச் சொந்தமான காணியில் இருந்து செல்லுமாறு கூறியதையடுத்து பொதுமக்களுக்கும் வன இலாகா அதிகாரிகளுக்கும் இடையில் முறுகல் நிலை ஏற்பட்டுள்ளது.


 யுத்த காலத்தின் போது தமது அன்றாட தொழிலாக சேனை பயிற்சிய மேற்கொண்டு வந்ததாகவும், மிரிஸ்வெவ மக்களின் நலன் கருதி மஹதிவுல்வெவகுளத்திற்குச் செல்லும் வீதியை கடந்த மஹிந்த ராஜபக்சவின் ஆட்சியின் போது நிர்மாணித்து கமநெகும,மகநெகும திட்டத்தின் கீழ் இரண்டு குளங்கள் புணரமைக்கப்பட்டுள்ளதாகவும் சேனைப்பயிர்ச் செய்கையாளர்கள் குறிப்பிடுகின்றனர்.


ஆனாலும் கடந்த வருடம் சேனைப் பயிர்ச் செய்கையில் ஈடுபட்டுக்கண்டிருந்த வேளை   காடுகளை வெட்டாமல் தமக்குரிய காணிகளில் சேனைப்பயிர்செய்கையை முன்னெடுக்குமாறு அரசியல் வாதிகளினால் தெரிவிக்கப்பட்டது.


இந்நிலையில் அப்பகுதியில் உள்ள மக்கள் தொடர்ச்சியாக பயிர்ச் செய்கையில் ஈடுபட்டு வந்ததாகவும் இம்முறை வன இலாகா அதிகாரிகள் அரசுக்குச் சொந்தமான காணி என கூறி வருவதாகவும் வழக்குகளைப் பதிவு செய்ய முயற்சி செய்வதாகவும் சுட்டிக்காட்டுகின்றனர்.


ஆகவே தமது வாழ்வாதாரத்தை மேம்படுத்துவதற்காக சேனைப்பயிர்ச்செய்கையை மேற்கொண்டு வரும் மக்களுக்கு அரசாங்கம் யுத்த காலத்தின் போது பயன்படுத்திய காணிகளை உரியவர்களுக்கு வழங்க நடவடிக்கை எடுக்க வேண்டும் எனவும் அப்பகுதி மக்கள் கோரிக்கை விடுக்கின்றனர்.




Mohamed Web Solution

Contact Form

Name

Email *

Message *

Powered by Blogger.
Javascript DisablePlease Enable Javascript To See All Widget