Trinco Media

(அப்துல்சலாம் யாசீம்- ஹஜ்ஜி முகம்மட்)

திருகோணமலை -கிண்ணியா பிரதேசத்தில் கடமையாற்றி வரும் சுகாதார திணைக்கள ஊழியர்கள் இன்று (12) கிண்ணியா பிரதேச செயலகத்துக்கு முன்னால் ஆர்ப்பாட்டமொன்றில் ஈடுபட்டனர்.

 தங்களுக்கு தூர இடங்களுக்கு எரிபொருள் நிரப்புவதற்கு செல்ல முடியாது எனவும் தமக்கு கிண்ணியா பிரதேசத்தில் உள்ள எரிபொருள் நிரப்பு நிலையத்தில் எரிபொருளை பெற்றுக் கொள்வதற்கு அனுமதி வழங்க வேண்டும் என கோரிக்கை  விடுத்து இப்போராட்டம் முன்னெடுக்கப்பட்டது.

இதேவேளை குறித்த மகஜரை திருகோணமலை மாவட்ட அரசாங்க அதிபருக்கு அனுப்பி வைப்பதாகவும் பிரதேச செயலாளர் இதன் போது குறிப்பிட்டார்.

(அப்துல்சலாம் யாசீம்)

கொழும்பில்  இடம்பெற்று வரும் அரசுக்கு எதிரான ஆர்ப்பாட்டத்தில் செய்தி சேகரிப்பில் ஈடுபட்ட நான்கு ஊடகவியலாளர்கள் தாக்கப்பட்டமைக்கு  கண்டனத்தை தெரிவிப்பதாக திருகோணமலை ஊடகவியலாளர் சங்கம் தெரிவித்துள்ளது. 

பிரதமர் ரணில் விக்ரமசிங்க அவர்களின் வீட்டின் அருகில் ஊடகவியலாளர்கள் நால்வர் மீது மேற்கொள்ளப்பட்ட தாக்குதலுக்கே திருகோணமலை ஊடகவியலாளர் சங்கம் இவ்வாறு தமது கண்டனத்தை வெளியிடப்பட்டுள்ளது. 

 திருகோணமலை மாவட்டத்தில் அபிவிருத்தித் திட்டங்கள் அதிகமாக செயற்படுத்தப்பட்டு வருவதால் வளங்கள் குறைவாகக் காணப்படுவதாக திருகோணமலை மாவட்ட தேசிய நிர்மாண சங்கத்தின் செயலாளர் குகதாசன் பிரகாஷ் தெரிவித்துள்ளார்.

அரசாங்கத்தினால் பாரிய அபிவிருத்தித் திட்டங்கள் முன்னெடுக்கப்பட்டு வருகின்ற நிலையில் திருகோணமலை மாவட்டத்தில் மணல், மெடல்,கிரவல் மற்றும் சீமென்ட் போன்றவைகளுக்கு தட்டுப்பாடு ஏற்பட்டுள்ளதாகவும் இதனால் ஒப்பந்தகாரர்கள் பெரிதும் பாதிக்கப்பட்டு வருவதாகவும் தெரிவிக்கின்றனர்.

திருகோணமலையில் சீமெந்து தொழிற்சாலையினை வைத்துக்கொண்டு ரூபா 1000 க்கு விற்பனை  செய்யப்படும் சீமெந்து கருப்பு சந்தையில் ரூபா 1350 வரை விற்பனை செய்யப்படுவதாகவும் 22000 க்கு விற்பனை செய்யப்பட்ட மணல் 45000 ரூபா வரை விற்பனை செய்யப்படுவதாகவும் குற்றம் சுமத்திய  திருகோணமலை மாவட்ட தேசிய நிர்மாண சங்கத்தினர் 

இவ்வாறானா கொள்ளையர்கள் இருக்கும் வரை நாட்டின் அபிவிருத்தியினை முன்னெடுக்க பெரும் கால தாமதம் ஏற்றப்படுவதாகவும் மேலும் இவ்வாறான அபிவிருத்தி திட்டங்களை மேற்கொள்வதற்கான  வளப்பற்றாக்குறையை அரசாங்கம் உடன் தீர்க்க வேண்டுமெனவும்,அபிவிருத்தி திட்டங்களுக்காக ஒப்பந்ததரர்களுக்கு வழங்கப்பட்டுள்ள காலம் குறுகிய காலமாக இருப்பதால் அதனை நீடிக்க வேண்டும் எனவும் கோரிக்கை விடுத்தார்.

அத்துடன் ஒப்பந்ததாரர்களுக்கு கீழ்  கூலி வேலை செய்து வருபவர்கள் பெரிதும் பாதிக்கப்பட்டுள்ளதாகவும் கட்டட வேலைத்தளங்கள் மூடப் பட்டிருப்பதால் கூலி வேலை செய்பவர்கள் தொழில் இன்றி பெரும் பிரச்சினைகளை எதிர்நோக்கி வருவதாகவும் சுட்டிக்காட்டுகின்றனர்.

கிண்ணியா பொலிஸ் பிரிவுக்குட்பட்ட பைசல் நகர்  பகுதியில் பதிமூன்று வயது சிறுமியை பாலியல் துஷ்பிரயோகம் செய்த குற்றச்சாட்டின் பேரில் சிறுமியின் தந்தையை கைது செய்துள்ளதாக பொலிஸார் தெரிவித்தனர்.

இச் சம்பவம் நேற்று (30) இடம்பெற்றுள்ளது.

இவ்வாறு கைது செய்யப்பட்டவர் அதே பகுதியைச் சேர்ந்த 38 வயது உடையவர் எனவும் பொலிசார் தெரிவித்தனர்.

தாய் வெளிநாட்டில் வேலை வாய்ப்புக்காக சென்றுள்ளதாகவும் சிறுமியின் தாயின் தங்கையின் வீட்டில் வசித்து வந்த போது சிறுமியின் தந்தை மதுபோதையில் வருகை தந்து சிறுமியை அவருடைய வீட்டுக்கு அழைத்துச் சென்று பாலியல் துஷ்பிரயோகம் செய்ததாகவும் ஆரம்பகட்ட விசாரணைகளின் மூலம் தெரியவந்துள்ளது.

குறித்த சந்தேகநபர் கிண்ணியா பொலிசாரினால் கைது செய்யப்பட்டுள்ள நிலையில் 13 வயதுடைய சிறுமி தற்போது திருகோணமலை பொது வைத்தியசாலையில் சிகிச்சை பெற்று வருவதாகவும் கைது செய்யப்பட்ட தந்தையை திருகோணமலை நீதிமன்றில் இன்று (01)  ஆஜர்படுத்த நடவடிக்கை எடுத்துள்ளதாகவும் கிண்ணியா பொலிஸார் தெரிவித்தனர்.

திருகோணமலை - தம்பலகாமம் பொலிஸ் பிரிவுக்குட்பட்ட பகுதியில் தூக்கில் தொங்கிய நிலையில் ஆண் ஒருவரின் சடலம் மீட்கப்பட்ட நிலையில் பிரேத பரிசோதனைக்காக திருகோணமலை பொது வைத்தியசாலைக்கு அனுப்பி வைக்கப்பட்டுள்ளதாக  தம்பலகாமம் பொலிஸார் தெரிவித்தனர்.

இவ்வாறு மீட்கப்பட்ட சடலம் தம்பலகாமம்-முள்ளியடி பகுதியைச் சேர்ந்த துரைராசா செல்வகுமார் (40 வயத எனவும் பொலிஸார் தெரிவித்தனர்.

சம்பவம் குறித்து தெரியவருவதாவது-  குறித்த நபர்  மூன்று திருமணம் செய்துகொள்ள தாகவும் தற்போது மூன்றாவது மனைவியுடன்  வாழ்ந்து வரும் நிலையில் இருவருக்குமிடையில் குடும்பத் தகராறு ஏற்பட்டதாகவும் இதனையடுத்து அவர் தானாகவே இவ்வாறான செயற்பாட்டில் ஈடுபட்டுள்ளதாகவும் அயலவர்கள் தெரிவிக்கின்றனர்.

ஆனாலும் குறித்த மரணம் தொடர்பில் சந்தேகம் கொண்ட பொலிஸார் பிரேத பரிசோதனைக்காக திருகோணமலை பொது வைத்தியசாலைக்கு அனுப்பி வைத்துள்ளதாகவும் தெரியவருகின்றது.

இதேவேளை குறித்த சடலத்தை பீசீஆர் பரிசோதனை செய்து அறிக்கை கிடைத்தவுடன் பிரேத பரிசோதனைகளை முன்னெடுக்க உள்ளதாகவும் வைத்தியசாலையின் பேச்சாளரொருவர் தெரிவித்தார்.

இவரது மரணம் தொடர்பில் விசாரணைகளை தம்பலகாமம் பொலிஸார் மேற்கொண்டு வருகின்றனர்.

திருகோணமலை தலைமையக பொலிஸ் பிரிவிற்குட்பட்ட பகுதியில் தனியார் காப்புறுதி நிறுவனமொன்று தீப்பற்றியுள்ளது.

டெங்கை கட்டுப்படுத்தும் நோக்கில் திருகோணமலை சுகாதார திணைக்களத்தினால் குறித்த காப்புறுதி நிறுவனத்துக்கு பின்னால் சென்று இன்று (28) பார்வையிட்டு தேவையற்ற பொருட்களை அகற்றுமாறு தெரியப்படுத்தியதையடுத்து அங்கு குழியொன்று தோண்டப்பட்டு குப்பைகள் புதைக்கப்பட்டதாகவும் தெரியவருகின்றது.

இதனையடுத்து வீதியால் சென்ற ஒருவர் பின்னால் தீப்பற்றுவதாக தெரியப்படுத்தியதையடுத்து அங்கு சென்று பார்வையிட்ட போது காப்புறுதி நிறுவனத்திற்கு பின்னால் களஞ்சியப்படுத்தப்பட்டிருந்த வாகன உதிரிப்பாகங்கள் தீ பற்றியதாகவும் தெரியவருகின்றது.

இதேவேளை தீயை அணைப்பதற்காக தீயணைப்பு பிரிவினர் வருகை தந்து உடனடியாக தீயை கட்டுப்பாட்டிற்குள் கொண்டு வந்ததாகவும் பொலிஸார் தெரிவித்தனர். 

அத்துடன் கலங்கிய சாலைக்கு பின்னாலுள்ள வீட்டின் சில பகுதிகள் சேதமடைந்துள்ளதாகவும் தெரியவருகின்றது.

தீப்பற்றியமை தொடர்பில் திருகோணமலை தலைமையக பொலிஸார் விசாரணைகளை மேற்கொண்டு வருகின்றனர்.